काठमाडौं, १० जेठ – फिल्म ‘यात्राः अ म्युजिकल भ्लग’ को छायांकन शुरु भएको छ । फिल्म युनिटले केही दिनअघि मन्दिरमा पूजा गरेर फिल्मको मुहूर्त गरेको थियो ।

फिल्म युनिट सोलु हिँडेको छ । पहिले शीर्ष गीतको छायांकन हुने बताइएको छ । उक्त गीतमा यात्रालाई देखाइने छ । गीतमा प्रतिक पौडेलले शब्द र संगीत दिएका छन् भने धर्मेन्द्र सेवान र प्रेक्षा बज्राचार्यले गाएका छन् ।

यो चलचित्रमा ए मेरो हजुर २ बाट उदाएका युवा अभिनेता सलिनमान बानियाँको मुख्य भूमिका रहनेछ । उनले यो चलचित्रमा आफूलाई केही फरक रुपमा देख्ने पनि बताए ।

फिल्ममा सलिनमान बनिया , सलोन बस्नेत , जान्वी बस्नेत , जय नन्द लामा , रेअर राई , प्रेक्षा बज्राचार्य , धिरेन शाक्य , राजाराम पौडेल , विशाल कटवाल , समृद्धि राई , योगेश जंग कुँवर , इश्वर पौडेल , नानीकाजी डंगोल , राजेश बिसुराल , इश्वर पौडेल , बिशाल पहाडी , प्रजोल भट्टराई , देशभक्तखनाल , कमल मैनाली , सौगात शर्मा लगायतको अभिनय रहने बताइएको छ ।

सम्राट शाक्यको लेखन तथा निर्देशन रहने फिल्मलाई केशव भट्टराई र सुशील पोखरेलले संयुक्त रुपमा निर्माण गर्न लागेका हुन् ।