काठमाडौं, २१ फागुन – तराईमा अझैपनि हुने दाइजो प्रथाको कथामाथि निर्माण भएको चलचित्र ‘भोर’ को पोस्टर सार्वजनिक भएको छ ।
आउँदो वैशाख २१ गतेदेखि प्रदर्शनमा आउन लागेको चलचित्रको पोस्टरलाई चलचित्र ‘झोला’ टिमले निर्माण गरेको हो ।

सार्वजनिक पोस्टरमा मुख्य पात्र डली सरकार बेहुलीको भूमिकामा देखाइएको छ । फिल्मलाई यादवकुमार भट्टराईले निर्देशन गरेका हुन् ।

दाइजोको कथालाई लिएर चलचित्र भोर निर्माण गरेको निर्देशकले बताए । चलचित्रलाई कृष्ण धरावासीको लेखनमा तयार पारिएको हो । त्यस्तै रामनारायण ठाकुर, अनिता रानी मण्डल, राजेश सक्सेना, बि एन पटे, डली सरकार, अनिता देव लगायतका कलाकारले अभिनय गरेका छन् ।

चलचित्रलाई दीपक बज्राचार्यले छायांकन गरेका छन् भने राज तिमिल्सिना र राम गोपाल थापाले निर्माण गरेका हुन् ।