काठमाडौं, १८ साउन – आज शुक्रवारदेखि सिनेमा हलमा चलचित्र ‘कायरा’ रिलिज हुँदैछ । लक्ष्मण रिजाल निर्देशित यो फिल्मलाई प्रेमकथामा आधारित फिल्म भनिएको छ ।

फिल्ममा मुख्य भूमिकामा आर्यन सिग्देल र साम्राज्ञी राज्यलक्ष्मी शाहले अभिनय गरेका छन् । रिल जोडीमा यो जोडी पहिलो जोडी पनि हो । यसअघि आर्यन र साम्राज्ञीलाई लभस्टोरी फिल्मले नै चर्चामा ल्याएका थिए ।

देशभर एकसाथ रिलिज हुने यो चलचित्र रिलिजअघि राम्रै चर्चा पाएको फिल्म हो । काठमाडौंका केही हलमा बिहीवार नै बुकिङ खुला गरिएको थियो । चलचित्रलाई प्रतीक्षित भनिएको छ ।

लभस्टोरी मन पराउने दर्शकले आर्यन र साम्राज्ञीको जोडी मन पराउने आशा गरिएको छ ।