मुम्बई – कहानी भारतको भएपनि नेपालमा समेत मिल्दोजुल्दो लाग्ने चलचित्र  ‘प्याडम्यान’ ले सफल प्रतिकृया बटुल्यो । चलचित्रको धेरैले तारिफ गरे । उक्त चलचित्रलाई मलाला युसुफजईले पनि समर्थन गरिन् । नोबेल शान्ति पुरस्कार विजेता मलालाका लागि उक्त फिल्मको स्पेशल शो हुने भएको छ ।

फिल्मका निर्देशक आर बाल्कीले भनेका छन्, ‘मलालाले हाम्रो फिल्मको समर्थन गरेपछि मैले अरु के गर्न सक्छु? हामी धन्य र सम्मानित भएका छौं ।’ अक्षय कुमार अभिनित चलचित्र ‘प्याडम्यान’ महिलाले प्रयोग गर्ने सेनेटरी प्याडको कथामा निर्माण भएको छ ।

निर्देशकले उनले भनेका छन्, हामीले दिन खोजेको सन्देश अझै फैलाउन मलालाजस्ता मजबूत आवाजको आवश्यकता छ ।

निर्देशकले मलालालाई प्याडम्यान देखाउने योजना बारेमा भनेका छन्, ‘हामीले छिटोभन्दा छिटो उनलाई फिल्म देखाउने छौं, यो फिल्म वास्तविक जीवनसँग आधारित फिल्म हो ।’