काठमाडौं, ३ पुस – अभिनेता दयाहाङ राई पछिल्लो समय त्यति सक्रिय छैनन् पनि खासै फरक पर्दैन । कुनै समय उनका फिल्म आउँदा बजारमा ठूलै चर्चा हुने गथ्र्यो । तर अहिले दर्शकले पत्याउन छोडेको संकेत देखिएको छ ।

यतिबेला दयाहाङ राईले अभिनय गरेका केही फिल्म रिलिजको क्रममा छन् । केही हप्तायता एकपछि अर्को फिल्ममा फेरि उनको कमब्याक हुँदैछ । तर, अहिलेसम्मको आधारमा हेर्ने हो भने तीमध्ये धेरै फिल्मले बजारमा खासै ठूलो हाइप बनाउन सकेका छैनन् । पहिले फिल्ममा फरक भूमिका निभाउने कलाकार भनेर वाहवाही बटुलेका दयाहाङ आजभोलि भने उस्तै भूमिकामा मात्रै देखिएका हुन्छन् ।

आजै दयाहाङ राई अभिनित फिल्म ‘दयारानी’ को पोस्टर सार्वजनिक गरियो । उक्त पोस्टर काठमाडौंमा एक कार्यक्रमको आयोजना गरेर सार्वजनिक गरिएको थियो । पोस्टर रिलिज कार्यक्रममा दयाहाङ राई पनि उपस्थित थिए । पत्रकारले राईलाई सोधे – तपाईं निर्देशक चाहिँ कहिले बन्ने?

उनको प्रश्नको उत्तरमा दयाहाङ राईले आफूले फिल्म निर्देशन गर्ने तर कहिले गर्ने भनेर अहिले नै भन्न नसक्ने बताए । उनले भने, ‘फिल्म निर्देशन त मैले गर्छु, तर कहिले गर्छु अहिले भन्न सकिन्न, आफूलाई चित्तबुझ्दो फिल्म आएछ भने पक्कै गर्छु ।’

यस कारण दयाहाङ राई खेदिएका छन्

पछिल्ला समय अभिनयमा खासै कमाल गर्न नसकेका दयाहाङ थिएटरमा भने मज्जैले जमेका कलाकार हुन् । अन्तर्वार्तामा फिल्म क्षेत्रका कमजोरी पक्षहरुलाई पनि केलाउने अभिनेता राईले फिल्म निर्देशन गरे भने कस्तो फिल्म बनाउने छन्, त्यो हेर्न बाँकी छ ।