मुम्बई – बलिउड स्टार आमिर खानले शूटिङको बेलामा मस्ती पनि गर्ने गर्छन् । यस्तै रमाइलो उनले माधुरी दीक्षितका साथमा पनि गरेका थिए । त्यो घटना शायद माधुरीले पनि कहिल्यै भुल्ने छैनिन् ।

आमिर खान र माधुरी दीक्षितको जोडीलाई पर्दामा निकै रुचाइन्थ्यो । यी दुईले धेरै फिल्ममा त एकसाथ काम गरेनन् तर ‘दिल’ मा शानदार अभिनय गरेका थिए ।

यो फिल्मको शूटिङका दौरान आमिरले माधुरीसँग यस्तो प्य्राङ्क गरे कि माधुरीलाई पछिसम्म त्यसको छाप प–यो ।

फिल्मको गीत ‘खम्बे जैसी खडी है’ को शूटिङ भइरहेको थियो । आमिरको दिमागमा खुरापाती आइडिया आयो । आमिरले माधुरीलाई भने कि, उनलाई मान्छेको हात हेर्नमा उनी माहिर छन् । यो सुनेर माधुरी उत्साहित भइन् ।

आमिरले भविष्यको बारेमा बताउने छन् भनेर माधुरी मख्ख पनि थिइन् । तर आमिरले माधुरीको हातलाई भविष्यवाणी गर्न लागेझैँ गरेर एकछिन हेरे । त्यसपछि थुकिदिए ।

माधुरीले यो किस्सा एक सवाल जबवाफ दिने बेलामा भनेकी थिइन् । जब उनलाई सोधियो कि, तपाईंको जीवनको आजसम्मकै नट्टी चीज के थियो? माधुरीले भनिन्, ‘मैले फिल्म दिलको सेटका बेलामा हकी स्टिक लिएर दौडाएकी थिएँ, किनकि आमिरले मसँग प्य्राङक गरेका थिए ।’