काठमाडौं, २१ चैत – चलचित्र ‘डमरुको डन्डीबियो’ को ट्रेलर सार्वजनिक भएको छ । पोस्टर रिलिजपछि नै प्रतिक्षित बनेको फिल्मको ट्रेलर युट्युममा सार्वजनिक गरिएको हो ।

यसअघि फिल्म युनिटले गीत तीतेपाती बोलको गीत सार्वजनिक गरेको थियो । सार्वजनिक ट्रेलर डन्डीबियो खेलको वरिपरि घुमेको छ । सरकारले राष्ट्रिय खेलबाट हटाएको यो खेललाई जोगाउनुपर्छ भन्ने सार ट्रेलरले दिएको छ ।

वैशाख २१ गतेदेखि रिलिज हुने चलचित्रमा अनुप बराल, खगेन्द्र लामिछाने, मेनुका प्रधान, आशान्त शर्मा, लक्ष्मी बर्देवा, बुद्धि तामाङ लगायतका कलाकारले अभिनय गरेका छन् ।

फिल्मलाई हरि पाण्डेले छायांकन गरेका छन् भने छेतेन गुरुङले निर्देशन गरेका छन् । फिल्ममा कथा खगेन्द्रकै रहेको छ । त्यस्तै फिल्मका निर्माता विनोद गरुङ हुन् ।