काठमाडौं, २ चैत – धनपति अभिनेता खगेन्द्र छामिछाने र अनुप बराल अभिनित चलचित्र ‘डमरुको डन्डीबियो’ गीत रिलिज गरिएको छ । राजधानीमा आयोजित एक कार्यक्रमको आयोजना गरी गीत रिलिज गरिएको हो ।

‘तितेपाती तितेपाती’ बोलको गीतमा पहिले पहिले गाउँमा खेलिने डन्डिबियोलाई प्रस्तुत गरिएको छ । कालीप्रसाद बाँस्कोटाले गीतमा स्वर दिएका छन् । साथै संगीत पनि उनकै छ । कार्यक्रममा उनले फिल्मको भावअनुसारको गीत तयार गरेको बताए ।

सविन एकतारे र हरि साउदका शब्द छन् ।

वैशाख २१ गतेदेखि रिलिज हुने चलचित्रमा अनुप बराल, खगेन्द्र लामिछाने, मेनुका प्रधान, आशान्त शर्मा, लक्ष्मी बर्देवा, बुद्धि तामाङ लगायतका कलाकारले अभिनय गरेका छन् । फिल्मलाई हरि पाण्डेले छायांकन गरेका छन् भने छेतेन गुरुङले निर्देशन गरेका छन् । फिल्ममा कथा खगेन्द्रकै रहेको छ । त्यस्तै फिल्मका निर्माता विनोद गरुङ हुन् ।