मुम्बई – बलिउडका दिग्गज अभिनेता अमिताभ बच्चनले फिल्म ‘बधाई हो’ हेरेपछि फिल्ममा मुख्य भूमिका निभाएकी नीना गुप्तालाई निजी पत्र लेखेका छन् । अमिताभले आफ्नो पत्रमा फिल्ममा उनको अभिनयबाट निकै प्रभावित भएको बताएका छन् ।

नीनाले उक्त फिल्ममा एक ५० वर्षीय महिलाको भूमिका निभाएकी छिन्, जो आमा बन्नेवाली हुन्छिन् । नीनाले अमिताभ बच्चनको पत्रको स्किृनशट शेयर गरेकी छिन् । साथै नीनाले लेखिन्, ‘यो पत्र र फूल पाउँदा मेरा आँखा खुशीले भरिए, धन्यवाद अमिताभ बच्चन सर ।’

अमिताभले पत्रमा फिल्मका सबै भूमिकाको तारिफ गरेका छन् । उनले फिल्म हेर्दा खुशीले आँसु आएको पनि बताएका छन् ।

फिल्म ‘बधाई हो’ मा गजराव राव, आयुष्मान खुराना, सान्या मल्होत्रा लगायतले मुख्य भूमिका निभाएका छन् ।

यो फिल्मले भारतको बक्स अफिसमा एक सय करोडभन्दा बढीको व्यापार गरेको थियो ।