काठमाडौं, ५ चैत – गायक सुरज पौडेलको मन को खुशी एल्बममा समावेश धेरै पछि बोलको गीत को म्युजिक भिडियो बजारमा सार्वजनिक भएको छ ।

भिडियोमा पुष्पराज र रेश्मा लामाको अभिनय छ । काठमाडौंको विभिन्न स्थलमा छायांकन गरिएको गीतको निर्देशन सरोज श्रेष्ठले गरेका हुन् । निर्देशक श्रेष्ठले हालसम्म चार दर्जनभन्दा बढी म्युजिक भिडियो निर्देशन गरिसकेका छन् । गीतमा चिरञ्जीवी भण्डारीको संगीत, शंकरदेव कंडेलको शब्द छ ।

पौडेलले यसै एल्बमको तीन वटा गीत सार्वजनिक गरिसकेका छन् ।