काठमाडौं, १३ कार्तिक – चलचित्र ‘ब्रेकअप’ को गीत सार्वजनिक भएको छ । निर्माण टिमले युट्युबमार्फत गीत सार्वजनिक गरेको हो ।

उदित नारायण झा र आशा भोस्लेको स्वरमा फिल्म ‘ज्वाला’ को गीत ‘आज हाम्रो भेट भाको दिन’ बोलको गीतको रिमेक गीत निर्माण टिमले चलचित्रमा राखेको हो ।

रिमेक गीतमा विराज गौतम र मेलिना राईले स्वर दिएका छन् भने शिला बहादुर मोक्तानले कम्पोज गरेका छन् । बुद्धवीर लामाका शब्द रहेको उक्त गीतलाई ब्रिजेश श्रेष्ठले एरेन्ज गरेका हुन् ।

गीतको भिडियोलाई कविराज गहतराजले कोरियोग्राफी गरेका छन् भने आशिरमान देशराज जोशी, सरोज खनाल र शिल्पा मास्के, रेमनदास श्रेष्ठ लगायतले कम्मर मर्काएका छन् ।

रुपक थापा, दीपक खतिवडा, रेनु राना, हेमराज बिसीले निर्माण गरेको यो फिल्मको कथा, स्किृप्ट र निर्देशन हेमराज बिसीले लेखेका हुन् । यस्तै चलचित्रलाई नरेन्द्र मैनालीले खिचेका हुन् भनेल सुरेन्द्र पौडेलले सम्पादन गरेका हुन् ।

चलचित्र पुस २७ गतेदेखि रिलिज हुँदैछ ।